Inicio

Departamento de Xeociencias Mariñas e Ordenación do Territorio

O Departamento de Xeociencias Mariñas e Ordenación do Territorio da Universidade de Vigo está formado por aproximadamente unha ducia de investigadores estables e unha vintena de estudantes postgraduados, procedentes de distintos ámbitos das Ciencias da Terra, e que na actualidade desenvolven a súa actividade investigadora no medio mariño.

Está constituído polas áreas de coñecemento Estratigrafía e Xeodinámica Externa coa presenza de recoñecidos especialistas en xeoquímica, mineraloxía, sísmica, paleomagnetismo e magnetismo ambiental, paleoceanografía, sedimentoloxía mariña e fluvial, enxeñaría de costas e impacto ambiental, confírelle unha capacidade investigadora singular. É un dos seus trazos principais, a aplicación de técnicas avanzadas a problemas xeolóxicos específicos do medio mariño, o que imprime un enfoque multidisciplinar característico aos seus estudos. Isto permitiulle desenvolver unha metodoloxía propia en oceanografía xeolóxica, o que lle outorga un papel pioneiro no desenvolvemento da sedimentoloxía mariña en España, e o consecuente recoñecemento internacional.